2022: Ab durch die Mitte

Es wor´n amol vier Weiberleit,
zu Obenteuer´n san´s (net) bereit.
Wos tuan dei daonn im Wold herinnen,
ament goa umadum spinnan?

Zumindest denk´n si des di Maonnsbulda,
drei san zwecks Bier und Grullerei do,
a vierta gsöllt si hin und wieder dazua,
so richtig was kana, wos der do tuat.

Dass as net nur um Manda und Weibsnan geht,
dafir sorgt a Koffa, der im Wold herum steht.
Wos do daonn drin is, des steht recht bold fest,
des Inventar gibt da goanz´n Partie fost den Rest.

Des gaonze G´schichtl – mia kennan´s goa net glaub´n,
spult heuer´n auf unserer Bühne – es is fost wia a Traum!
Mia san wieder im Einsotz – mia san scho bereit!
Wia des Stück´l haßt? – Jetzt sog ma´s eich:

„Ab durch die Mitte“

von Markus Winzer
(oder „Ob durch die Mitt´n“),

mia dürf´n eich endlich wieda zum Zuaschaun bitt´n!

Es freut sich auf Sie das
Schadendorfer Hoftheater

mit seinen Schauspielern, der Regie
und dem Rest der Truppe!